Tag 96-101(2.7.-7.7.21 Filgueira/A Rochela/Quintana/S. Pedro de la Ribera/Muros de Nalon/Castrillon)

s`zält und d`schlafseck sind usglüftet, batteriä wiider glade und so chas wiitergah. am praia das illas (rochela) i de nöchi vo ribadeo häts ois den ufe es parkplatzwisli gfüährt wo mer krassi felsformatione gseh händ wo zu verschiidne plattene und forme vom wasser und em wind usgwäsche worde sind. leider isch det nöd wücki viil gsi mit go bade will s mer mega stinkends und unmänge vo seegras a gspüählt hät. s`wetter isch wiider rächt wächselhaft und soo gitz allpot en platzräge und paar minute spöter isches wiider e mega hitz. so chamer aber au mit guätem g`wüsse mal nüt mache und mer hend (besser gseit ich han chli me als de marco) oisi füäss chli gschohnet und ziit mit läse und eifach chli sii verbracht.

oises negstä plätzli isch in quintana gsi, na immer a de küste und a de gränze vo galicie und asturie. sisch es parkplätzli gsi umgä vo wachsende maisfälder, wiisä und eukolyptuswald. es steinigs wägli isch dur`s wäldli an steistrand abe gange. wo mer ume marschiert sind und es paar alte fischer zuä gluäget händ wo sich en fischerwettkampf glifferet händ. au da isches eher frisch und nachere chüählä nacht sind mer uf san pedro de la ribera düsed. det a cho händ mer ehrlich gseit nöd schlächt gstunet. äntlich wiider mal mänsche chli ufeme huufe und s `lauft öpis. uf mehrer grosse wiise hät mer fü 1euro pro tag/nacht de camper parke und strandläbe mit baar, bodyboard ect. chöne gnüssä.

da d`spanier jez für drü mönet feriä händ merkt mer au wiie so ort sich wiider fülled und d`lüüt läbed bevors waschindli weg de delta-variante wiider igschränkt werdet. (:

au mir händs gnossä obwohl mer doch chli me für ois gsi sind abgseh vo eis, zwei gspröchli weg em auto und eme grosse täller spanische süässgebäck vo de nachberä.

am zweitä tag sind mer den na bitz as meer gange, wo sich d`lüüt schowiider tüächli a tüächli greiht händ. mer hend ois den es plätzli chli uf de andere fluss siite gsicheret wos nur wenig schnoiz gha het und mer super het chöne go bädele im meer. (:

nach gmüätliche zwei nächt simer den scho mit viil vorfroid an äntlich an playa de aguilar (muros de nalon) det sind mir nämlich i oisne erste gmeinsame feriä scho anegange. abgseh vomene noie parkplatz hät sich eich nüt veränderet und die chli schön bucht gseht immer na us wie usem bilderbuäch. was ois natürli mega gfroiit hät. da s`meer aber abartig wild gsii isch und d`welle uu mega höch gsi sind, isches nüt gsi mit em surfbrätt uspacke. naja mer händ s welle bad eifach so gnosse und voralem de tag a dem schöne verträumtä ort. (: für 2euro hämer chöne uf dem parkplatz bliibe und hend nachere nacht a dem schöne ort de wäg nach castrillon i gschlage wo mer am playa bahinas ufeme chline campingplätzli stönd und oisi batterie am alte maa wiider ladet, das doch ab und zuä es chüäls bierli oder mal es stuck fleisch cha gäh. (: