Tag 91 bis 95 (27.6.-1.7.21 Esteiro (Malpica) / Filgueira (Malpica) / Wanderung Costa da Morte

vo esteiro isches es ca. 40min wiiter nach malpica gange det simmer in filgueira uf en zältplatz gstüret. wiider ischs en sehr herzige und nöd zu grosse camping gsi, wo aber doch alles gha het wo mer brucht händ. nach einere nacht im admiral simmer am negste tag, nache em z`morge mit rucksack und zält losgwanderet. ersti station isch malpica gsi, es fischer stedtli a de costa da morte. det hämer oise proviant na vervollständiget bevor de ersti grossi a stiig cho isch zu de kappällä vo santo hadrian do mar. das isch en mönch gsi wo vor langerziit malpica vonere schlangeplag befreit hät. was mir aber glaubet isch, die malpicaner sind chli guätgläubig gsi, denn innerhalb vo 10 min händ mir uf nächsti disstanz nämli grad zwei schlangea troffä.... nach dem ich wiider zur schockstarri us cho bin hämer den beid s`tämpo chli erhört, wills dur hüft höchs fahrn und gras dur wiitergange isch. nach guät 17km hämer den esteiro erreicht und

da mer ja scho e nacht vorher mit em admiral det gsi sind händ mer gwüsst das es es resti am meer unä hät und händ ois gfroit uf en feine z`nacht. leider isch das nüt gsi, da am mäntig d`restaurants da hauptsächlich zuä händ. (: naja denn häts halt pesto nüdeli gäh...

nach kaffi, salami und brot ischs zält wiider abbroche worde und sisch wiiter über stock und stei vom meer unä wiider uf kargi höger doch wiider uf 200 m.ü.m. gstande sind und s gliche wiider uf de andere siite abe. wunderschön dii chline wägli wo über felsä, mannshöchs fahrn und grüänzüg füährt und mer eifach dii ganz ziit uf dii krasse felsformatione vo de costa da morte gseht. s`ziil isch eich ninos gsi, det häts ois en lade und es resti a gäh. doch wommer i dem ninos a cho sind isch so zimli toto hosä gsi und weder en lade no es resti häts gäh... naja so händ mir ois wiider müsse ufraffe und nomal 6km wiiter bis nach poteceso laufä. da mer beid zimli fuhli bei gha händ und`s doch scho rächt spaht gsi isch händ mir e es hostel ufgsuächt. nacheme übertribne z`nachtässe mit bier, zwei riesse pizzas, burger underä uhuärä schüssle salat simer den is zimmer ufe ghumplät und vollgfrässe is bett gheit.

mit blatterä a de scheichä isches den aber doch ab i dwanderschuäh und zersch mal i d`apithek go blatteräpflaster poste. (: amne schöne plätzli hämer den en halt gmacht, d füäss verpflasteret und wiiter dur sumpfgebiet, feinschmöckendi wälder und wiider högerli uf, högerli ab über fels und stei kragslet begleitet vo sunneschii und viil verschide farbige eidächsli und summervögel. sehr ii drücklich sind au all dii viile verschmätteretä boot gsi wos a teils ort i d`felse ie klöpft hät und mer sich den guät cha vorstelle wie s`meer wücki cha tuä bi gwüsse wätterverhältnis. doch vo paar rägetropfe und ab und zuä chli starchem wind händ mir sust superglück gha mit em wätter und so händ ois au die 10km zuäsätzlich nöd viil usgmacht wo mer na es schlafplätzli für dii letscht nacht gsuächt händ. eich wer de plan gsi das mer in laxe eswo chönted oises zält ufschlaf. doch en flotte fischerufseher hät ois gseit dases besser wer, wenn mer nachli laufed und i es waldstuck ufe ziend, das mer bitz windschutz händ. sini empfelig het sich voll und ganz uszahlt, ufem weiche waldbode imne märlihafte waldstuck mit direktem usblick ufs türkisfarbige meer händ mir e traumhafti nacht verbracht und es uhrkitschigs morgerot händ derfe erläbä. gnüdelet und me als nur z`fridä sind mer den aber mit em taxi zrug uf de campingplatz wo de admiral zum glück na uf ois gwartet hät. (:

superschöns erläbnis und das obwohl mer scho mega viil gseh händ,