Tag 83 bis 90 (19.6-26.6.21 Loiba / Esteiro (Malpica)

vo dem hübschä häxehüsli-parkplatz mit de feine pizzas in loiba isches wiiter nach san roman de vale es wiiter schöns dörfli a de küste vo galicie. näbedeme resti im grüäne hets en grossse rase gha wo mer händ chöne dä admiral parkä und oisi hungrige büch im resti händ chöne mit emä feinä ässe und paar chalte estrella sättige. da s meer rächt flaute isch was d`surfbedinige a gaht hämmer oisi turnschuäh mondiert und sind de hügel uf und ab dur de wald spaziert. zrugg im auto hämer den eifach mal jede für sich na chli öpis gmacht bises au scho bald wiider znachz gäh hät.

s`wetter isch rächt wächselhaft und so hets au am negste morge morgesport mit rägetröpfli gäh. um de mittag simmer den nur paar kurve wiiter gfahre und an pria esteiro cho. leider hämer au a dem tag nöd wücki chöne in neoprem schlüfe und ab go pddle, drum häts wiider mal gheisse räge jagge und turnschuäh mondierä und ab go d`landschaft erkundige. sìsch mega schön das na fascht kei turiste ume sind und mer egal uf welle parkplatz mer fahrt so zäge muusbei elei sind. d`mission vo dem tag hät aber gheisse laufe bis mer is negste käffli mitere beiz chömed.... naja das isch den da na eifacher gseit als gmacht den in galicie sind ziite verbii wo na jedes dorf e beiz hät...(:

doch lug ä da, nach guät 12km isch doch na de liechtblick cho und mer händ nebst em wasser usem rucksack doch na es chüähls bierli und feini tortilla de patata becho. dii alt beizerii isch ganz e hartnäckigi (aber flotti) tante gsi, sii hät ois umdsverrecke welle ihres feriehüsli vermiete.. doch mit händ und füäss und eme halbe tinitus weg de schrille stimm händ mers gschaft zrugg in andmiral z`cho. aber falls öper uf galicie i d`ferie wott, numä säge händ da e passendi immobile imne 12-seele dorf. (:

am tag druff hets wiider mal gschiffed was abemag und d`strasse sind halbi bäch gsi. drum isch oisi fahrt in cerceda (immer na a curuna) imne landwirtschaftliche dörfli den fertig gsi. ufeme alte, verwachsne strasseabschnitt hämer en halt gmacht und händ ois na bitz i oisere grosse eizimmerwohnig underhalte bis den zimli glii is bett gsnge isch.

nachere echt verschifete nacht isch de negsti morge mit viil wulche gstartet und mir sind wiiter nach santa comba will mer doch na paar sache wie spannset ect. brucht händ. nach em halt bim becker simmer na uf de paco troffe. en lustige, chugelirunde metzger wo so e schiss froid am admiral und am schwätz mit ois schwiizer gha het das mer na en sack voll feini würscht becho händ als proviant. soo cha d fart natürli wiiter gah und zum säge isch es sind megakrass feini würscht gsi, das mis heiwee nach schüblig und landjeger grad verblasst isch... (: chum in carnota acho und i de nöchi vom strand parkiert hämmer den au dii erst wurst verdruckt, e feini chorizo mit richtig viil pfiff. nach de zwüscheverpflägig hets en meerstündige spazottel am strand gä und nacher en spiili abig im admiral. sisch es superschöns plätzli da und abgseh vo paar iheimische zimli leer, so hemer ois am negste tag entschiide nomal da bliibe. sind den chli en kulturelle spazottel go mache und händ das alte dorf bestunt, händ de erst märt verpasst und es epiliergrät kauft, so mussi nüm länger under daffemänsche gah. (: am abig hets zwei guäti mojito-cuba us de strandbar gä und e unruhgi nacht. da`s häxenacht gsi isch und die es riese fäst gha händ wo mir leider verpasst händ... ):

äntlich wiider mal sunne un soo isch d`fahrt wiiter dur viil farbigi fischerdörfli bis nach estorde (clee / a coruna) wo mer an campingplatz a gstüred händ zum batteriä ladä.

nach dem mer de admiral am saft a ghänkt händ hämer oisi bade sache packt und sind a bucht abe, oisi brüni go uffrische und äntlich wiider mal im meer go badä.

zum znacht hät`s ois den is resti zoge, doch leider ischs chli en griff i d`schissi gsi und so hämer na eis, zwei täg spöter dii stinkende shrimps gschmöckt im muul. (:

nach em früähsprot hämer s`verlii wiider zäme packt und sind wiiter dur die mega schön landschaft düset bis mer in rostro (praia do rostro) a cho sind. leider gahts immer nanig ufs surfbrett und so simmer chli am strand ume dümplet und hend am spötere namittag oise grill packt und sind uf klippe ufe gstige zum es superfeins chickendinner undere grosse schüssle salat go gschlemme bis mer de sunne händ chöne guätnacht säge.

das uf dem schöne parkplätzli für oises befinde zu viil camper gha het simer den hald am negste tag au scho wiider wiiter. in esteiro i de nöchi vo malpica (a coruna) hämer wiider mal e schöni öffentlichi wiise gfunde wo mer händ chöne parkierä. über en stäg isch mer dirket an strand cho womer unmänge vo sandflöh troffe händ. das ois aber langsam chli juckt i de füäss suäched mer e möglichkeit zum de admiral paartäg chöne abstelle und ois mit de wanderschuäh uf de wäg mache.