Tag 8 bis 10 (5.4.-7.4.21/ Ebro Delta)

nach dä täg ufem campingplatz simmer ca. 260km richtig weste gfahre und i gägend vom ebro delta zogä. sind langi fahrte wenn mer das mit ca. 80 km/h zrugg leit. in deltebre hämmer en parkplatz am meer a gstüüret. obwohls eim fast devo gwindet hät simmer dur samt fiinä sand dur gloffä, händ d abigstimmig gnossä und guätä salami, babyell und bier zum znacht gnossä. d`nacht hät sini ganz schönheit zeigt und unändlich viil sterne sind zum griiffä nöch gsi.

am nechste morge hät mich en affe geile z`morge erwartet vo mim ängel; rösti mit spiegelei und kaffi. derna hets geisse joggin schuäh a leggä und in lüchtturm wo nöd lüchtet füre joggä. das natürli alles am muschel üerfüllte strand na....

najaa sisch echt wiiter gsi als mer dänkt händ und soo hets spontane bade - und kack stopp im ächt frische mittelmeer gä. (:

wiiter isches nach riu mar gange das isch ca. 40min vom vorher erwähnte plätzli weg. det häts en 2 stündige zmittag halt gäh. nacherä grosse pfanne paella mit muschlä, babytintefisch, gambas und eme guätä huuswii simmer gstärkkt gsii zum chli im meer ume tobä. na e duschi am strand (für's salz nöd gäg de gstank) hämer ois es parkplätzli i de nöchi gsuächt und oisi erst auto party gfiirät. zwar s zweit aber mir händ es huärä fäscht gha. (:

paar kilometer wiiter hämer en platz unter zitterpapple gfunde, gägend isch en naturpark (amposta) mit viil süässwasser tümpel zmizt i de fälder vo de landwirtschaft wo buurä i vollem gange sind ihri fälder zmache. (traumhaft, soo exakt und gradlinig und dimensione wo mer fascht nöd glaubt)

unmänge vo vogelarte tummlet sich det, glockreiher, silerreiher, flamongos (sogar liecht rosa) und die witzigste sind bachvögel gsi. dene ihre schnabel isch fascht so lang wie ihri stelzbeindli und na viilviil me. es schöns schauspiil isch das gsi.

leider hät aber sit paar täg de chüählschrank de geist uf gäh und mer händ viil ziit brucht zum düftlä und mache... nei er lauft nöd und so müänd mer am negste tag ine werkstatt.....