Tag 67 bis 74 (3.6.-10.6.21 Miranda do Douro/Vilar da Veiga(Geres)/Viana do Castelo/Doninos (Ferrol)

ufem camping in miranda do douro sind mir na drü täg gsi und händ mal en richtige wäschtag mit bett ect. gmacht. was es au dringend nötig gha het: aber glebt häts zum glück nanig. (: näbst em geburi fiire sind mer au na stedtli go a luäge wo chli erhöht liit mit alte burgmuurä und emä schöne usblick uf de douro abe wo sich verbii schlänglet.

wiiter häts ois in nationalpark zogä. det simmer für zwei nächt ufeme camping am iilauf vom cavado, emene grosse stausee gstande. am zweitä tag hämmer oisi ruckseck pack, d`wanderschuäh mondiert und sind uf e 9 stündigi wanderig ufbroche. sisch en cheibe chrampf gsi wills eifach mal 1300 höhemeter ufwerts gange isch. glohnt hät sichs uf all fäll, denn die wunderschöne wasserfäll (cascata do arado) sind eifach herrlich gsi und die ganz karg aber doch au grüän berglandschaft mit dem mega wiite usblick isch geniall gsi. nach 25km hämmer den aber doch gwüsst was mer gmacht händ und hend in geres zersch mal es chüähls bierli brucht, bevors den imne resti en feine znacht gäh hät und mer namal e guäti halbstund bis in camping zrugg marschiert sind. ich glaub mer hend scho lang nüm soo guät gschlafe wie dii säb nacht. (:

miteme schüüche muskelkater isches den am negste morge zum bett us und wiiter wiider richtig atlantik. in viana do castelo hämer ois en caping am meer gsuächt da mer wiider mal surfbrett chli hetted welle rockä. doch leider isches so sehr windig gsi das mer nur eme huufe wilde skitsurfer hend chöne zuä luägä wies meterwiis dur d`luft gsäglet sind.

so händ mir oises wehrli packt und händ ois uf de wäg zum wassertaxi gmacht wo ois id stadt bringt. leider hät s`taxi aber grad zwei stund pausä gha und so händ mir hald z`fuäss und mit scho rächt schwere bei die paar kilometer müsse zrugg lege bis mir d stadt (viana do castelo) erreicht händ. det simer es guäts ziitli dur gasse gschlenderet und händ ois en feine spahte zmittag gönnt. en extrem positive schmaus isch das gsi, denn sisch wücki emal ganz e flotti bedienig gsi... so händ mir die letschte stunde in portugal gnosse und händ ufem rückweg sogar na s`wassertaxi verwütscht. (:

voller vorfroid händ mer den am abig na oisi wiiterreis, aso de negsti tag planet. s gaht nämli wiider nach spanie und soo chönd mer äntlich wiider chli freiär sii mit oisem admiral und eich d`nacht verbringe wos ois pässlet (hoiii läbä, tschau portugal).

a gstühret hämer doninos in ferrol, wo mer au scho ufeme parkplätzli am meer stönd. de wecker isch gstellt, damit mer denn au die perfektä welle händ. (: