Tag 48 bis 51 (15.5-18.5.21 Carrapateira bis Vila do Bispo)

am samstig morge hend mir nomal mit de lüüt im surfcamp z`morgä gässe und nacher isches nachli an strand und go poste. uf de spöter namittag simmer den nur ca. 14km uf vila do bispo zu de familiä vetterli gfahrä. det hämmer den paar täg i dem wunderschöne dihei wo sii sich ufbaue händ paar mega entspanntig täg verbracht. es isch en superschöne und überraschende empfang gsi wo mir am samstig namittag det a cho sind, d`ana und d`lucy händ ois mit brigitte und bob (schwe vo mim grosi mit ihrem ma) scho vorem huus us empfange und scho ganz ufgregt verzellt das de roman (papi) na immer ufem weg isch s`junge büsseli am abholle. chum um de huusegge isch au scho d`nelly (s`mami) cho und hät ois herzlich empfangä. nachere füährig dur die wunderschöne restaurierte und neuerbaute rümlichkeite häts en apero gä und sisch eifach mega schön familiär und chillig gsi. de marco und ich sind zwar nöd wücki zum stune us cho was sii da alles uf beigstellt händ und schwäzet na immer vo all dene einzigartige und liebevolle details wo mer händ derfe gseh. es wunderbars zimmer händ mer gha mit em passende name "zeit". duschät hämer undere grossartige rägetuschi. bald isch au scho de roman samt alec (em babybüsi) heicho. weiss nöd ob sbüseli oder de roman gschlucheter gsi isch aber d froid isch riisig gsi ab dem neue pelzige mitbewonhner wos vetterli`s jez händ.

nach em abartig feine z`nacht (fiile, risotto, ofegmüäs) häts na en gin tonic gäh und den sind mer is bett gsunkä. gschlaffä händ mer wie ängeli und am negste morge hät ois sit langem nüt wee da. (:

nachem z`morgä hän mir ois derfä im roman sinere werkstatt ustobä und händ de halb tag a oisere surfbrätt - sicherig ufem autotach bastlet. natürli verhebt oises werk und so sind au die brätter sicher gäg en räuber.. (:

am namittag hämer den na bitz öpis chöne hälfe schäfele und scho bald hets wiider z`nacht gäh. brigitte hät dörrbohne, schinkli und härdöpfeli zauberet (lauft mer grad wiider s`wasser im muhl zämä). jaa aber a dem abig simer nüme alt worde und so hets ois beid zimli gli wegtisched. am negste tag hämer denn eich welle wiiter, sind den aber na mit em roman uf dä märt und händ na bitz öpis fertiggschäfelet, am namittag hämer na s dörfli under d`lupe gnah und wo mer zrugg cho sind hämer den doch na e nachtverlängeret im paradiso vetterli. (: so häts namal en richtig feine familie znacht gäh, wildi surfgschichte und allereli guäti tips wos ois na chönt hii verschla in portugal. es sind superschöni täg gsi wo mer beid mega gnossä händ. und s hät eifach guät da, famile um sich ume chöne z`ha. aso nach mir hetted mer na chöne paartäg det sii aber sisch au echt schön wiider chöne wiiter zieh, das hämer den am negste tag au gmacht......

mir händ de negst camping a gstüret de isch in aljezur gsi und richtig cool will fascht keis beih ume gsi isch.