Tag 35 bis 38 (2.5.-5.5.21 Lagos bis Carrapateira "Amado surfcamp")

am negste morge simer den zimli früäh vo de erste fischer gweckt worde. no zwei- drümal dreheiä im bett und den heists auf. d sunne lacht, doch dä wind gaht immer na extrem wenigstens bitz wärmer. mer händ ois den a gfange uf d suächi mache nach surfschuälä. mer sind au da no total vor de saison und so gstaltet sich das alles bitz länger und ufwändiger mit dere suächi. doch nach paarstund ufwand und mehrerä telefon hämer doch es surfcamp gfunde wo mer mit oisem admiral ane chönd und sogar chönd drin wohne und nöd na müänd es zimmer oder bungalow dezuäh nä. so hämer na öpis g`mampfäd und sind richtig vila do bispo gfahre womer namal en grossichauf a läbesmittel gmacht händ. bim wäg dur das chline stedtli simmer doch voll na uf mini verwanti mit de famile troffä. sii wohned da und natürli hämer nacheme churze schwätz uf de strass ois für paar täg spöter mal verabredet.

wiiter isches den nach carrapateira wo oises surfcamp liit. mega schön, umgä vo höche felswänd i verschidne rottön, bluämäwiisä und eme gmisch us irr höche schilff und bambus gwächs simer scho vonere quirrlige, coole frau (chamer leider dä name nöd palte) in empfang gno worde. nachere füährig durs camp wo mer scho en grosseteil vo de surfcouchts und all de fliessige biendli wo für ornig sogrged känne glernt händ isch au na de verpeilti aber üsserst witzige kiko uftaucht. mit dem hämer den sfinanzielle na greglet und so simmer äntli richtig a cho. s`hät fängs 5 wiiteri schnäuz wo da gest sind und sisch ä huärä fridlichi stimmig da.

am negste morge häts en usgibige z`morge gä und den ischs au scho ab an strand. äntlich chömer oisi neopren in iisatz bringä. es gmischt vo theorii (was s meer und d`wälle a gaht) und praxis isches dii erste stunde losgange mit bodysurf und de erste brätt versüäch. nach 1.5stund hämer den 2 stund mittag gmacht und am namittag ischs wiider ab ufs brätt und wiiter go üäbä. affegeil sägi nume, denn nach dene 3 stund simmer doch wücki scho paar mal ufem brätt gstande und hän ois vo de wiiswasser wälle triebe la.

uhuärä happy aber mega kaputt hämer ois na under duschi gschleppt, öpis gässe und den is bett gsunkä.

nachem grosszügige z`morge isches den am negste tag wiiter gange. doch s`meer isch cheibä wild gsi und so simer scho nach de morge lektion rächt grederet gsi. nacheme topf linsesalat und eme liter fitnessdrink isches nomal ab is wasser. d`wälle händ en affezug gha und sisch scho bitz en kampf gsi, doch mir zwei gäbed sicher nöd uf und soo simmer scho am tag zwei uf em brätt gstande und händ wiiteri schritt chöne lernä. doch de tag zwei müämer säge hät ois extrem viil chraft und usduur brucht, merked fascht jedes müskeli am körper. (: am abig isch den na grill und chill im cam a gstande und es sind luuter chilligi und spannendi lüüt zäme cho. natürli händ mer bitz a lauf schwirikeite gha will da eifach hauptsächlich nur änglisch grett wird und wie ihr ja wüssed, mir beid wücki sicher nur im züritütsch sind. (: sisch aber en super coole abig worde und mer händs beidi gnossä, händ sogar e super feins noiis erfrischigs getränk känne glernt... wiise protwii uf iiswürfel und chaltem schweps, richtig guät säged mer da nur. (:

s verwache am tag drü isch denn es absoluts highlitght gsi, de liecht brummendi schädel isch s`chlinste übel. alles aber wücki alles ussert glaub s`ohräläppli duät ois wee und sisch en riese chrampf zum bett us z`stiigä. naja gschafft hämmers und sind miteme guätä katerfrüähstück ab an strand. nach de erste paar wälle isch de flow wiider da gsi und mer händ oisi surffähikeitä wiiter chöne verbesserä und sind au nach em dritte tag scho en grosse schritt wiiter. sisch abartig motivieränd so öpis zlärne und so erfolg chöne ha, drum nämed mer au de atom-muskelkater sehr gern in kauf. jez hoffed mer beid das es morn wie de couch gseit hät, ab uf'd grüänwasser-wällenä gaht. das isch oises persöndlich ziil gsi vo dere wuchä und wenn mer das bis am dunnstigabig erreiched isch natürli sehr geiläscheiss... (: