Tag 33 bis 34 (30.4-1.5.21 Porto do Son bis Lagos)

nacherä ruhigä nacht undämä garnöd so windige morge händ mer oises währli zäme packt und sind vo porto do son richtig carballo gfahre. sisch e grossi, schöni stadt wo kunst hoch im kurs isch. a fascht jedere huusfassade häts mega schöni grffitis und wandmalereiä. det hämer en surflade ufgsuächt und sind mal bitz go schnoigä was so a surfbrätter und neoprenazüg umä hät. (händ ja immer na s ziil zum lerne surfä)

lustigerwiis hät au da wiider e gebürtigi usterin gschaffet, sii hät sich unändlich viil ziitgnah und hät ois tiptop chöne beratä. wer dä marco kännt weiss das mer sich da nöd lumpä laht und so sind mer miteme riiiiiisä lache im gsicht, sack und pack belade zum lade us cho. (:

nacheme feine zmittagässe hämer oisi läbesmittel iikauft und sind wiiter a dii nächscht bucht. nach ca. 30min fahrt isches den i de nöchi vo malpica de bergantions gsi wo mer s negst schlafplätzli gfundä händ. das aber wiider nur so um dii 13° und arsch windig gsi isch sind mer den doch nüm i oisi azüg gschlüpf...

dank em louis wo ois immer chli ufem laufende ghalte hät , was d`lag in portuga betrifft hämer mit viil vorfroid chöne is bett. ab em 1.5. seged gränze für turis wiider offe und so isch oise plan mit portugal ufgange und mer händ am negste tag ois chöne uf dä wäg mache. a vigo verbi bis über de rio mino und tatsächlich; paar strassearbeiter sind grad na dii letschte sache vom zoll am wegrumä gsi. da mer d`schnauze chli voll gha händ vom chaltä wätter hämer dii lang fahrt, in süde abe in kauf gnah. uf de autobahn verbia braga, porto, coimbra, fatima, en boge vor lisabon, wiiter abe bis mer in lagos a cho sind. was für e uhrlangi und sautüüri fahrt das gsi isch..... aber shät sich glont, sogar am abig am 10ni isch na e wunderbari wärmi d spührä gsi. en topf nüdeli, paar bierli und den simer ab is bett.