Tag 25 bis 28 (22.4-25.4.21 Encinasola bis A Rua)

am negstä tag isches richtig embalse de ancatara gangä. eine vo viilne stauseeä, chli me im hochland glägä. sisch eimal me e sehr schöni fahrt gsi. verbi a felswänd und grüni auä, geier uf de felsä wo ois beobachtet und unmänge vo wilde farbige büsch... all paar stunde mal es auto wo eim chrüzt und sust nur na rinder wo eim fragendi blick zuäwerfed. acho a dem stausee (ii`lauf bi rio tajo) hämer en schöne parkplatz gfunde wo unzähligi vo schwalbe al pfütze bevloge händ. eis riese getümmelt und gepfiffe isches gsi, und mir händ oisä admiral abgschtelt und händ na paar schritt gmacht an see abä. dank em nidrige wasserspiegel hät sogar na en teil vomene römischä süüle bau zum wasser usgragt, was sehr mystischi und echt spannendi idrück hinderlat...

am negste morgä, chum de schlaf zu de auge us gribä und eimal en blick an himmel, chreised mönchs geier über ois. mer meint zum griffe na, doch wemmer d`schwalbe näbed dra als verglich nämed, verstaht mer mal die dimensione wo so en vogel mit sich bringt. absolut mayestätisch.....

für ois en grund zum stunä und eifach mal paar minute nur gaffä....

wiiter siches nach granadilla, es dörfli wo ide 1950-er jahr umgsidlet worde isch und bis hüt als "geischterdorf" gilt. nach paar kilometer simer au det a cho. leider isch aber us dem dorf, umschlosse vo mächtigä murä, e turister atraktion worde. schad sind die grosse igangstor verschlosse gsi (gem. covid19) und mer münd ois miteme rundgang um die riese murä z`fridä gäh. (schad, aber ha wiider blümli gfunde für mis herbamarium (: )

wills doch scho im früähä abig gsi isch und mer scho paar kilometer gfahr sind hä mer ois enschtidä s`nächschtä näbeströssli a stürä zum nächtigä (was i dem teil spanie kei problem isch). det hämer wiidermal es fäscht für ois gha und händ am flo sini "berliner luft" uspackt.

dank de zahspüählig (berliner luft) isch`s ois am nägstä morge wunderprächtig gangä und mer händ chöne wiiter nach ...jrgendwo... fahrä.

das jrgendwo isch den schlussäntli i de nöchi vo villaflor gsi (Embalse del Esla o de ricoayo). sìsch wie dii letschte paar täg au dur landwirtschaftlichi gägende gange, mer hen extremendura verlah und sind is gebiet kastilien und leon cho. s

`wird alles chli karger und mer meint de früählig haltet ersch jez bald mal iizug.

e vogel wält wie mer sii beid na nie händ chöne erläbe näbst de geier begägnet eim au täglich schwarzmilan, räbhüähner, wiiderhupf und eichelhähr.

i de nacht (villaflor) ische überraschig parat gsi.. nei keis pinkelmonster (wie ich mängisch dänke) sonder e nachtigal het g`sungä und sis sbestä gä.

am negste moorgä isches wiiter nach a rua. churz vor trabazos hät ois curda civil use gwunkä und oises auto nach drogä gfilzt. (s`lauft ab wie i de schwiiz; es arschloch und en normalo mitenand uf streiffä) de arsch isch en fette siech gsi wo sich chum hät möge is auto ie schwinge und jedi graucht zigis usenand knüblet hät (sauhund, hoff sini händ stinked immer na) und de ander total isii druff und het gfrögt wo de wiiter wäg hii gaht.

wiiter isches defür dopplet so geil cho, über chiiswäg uf über 1000 meter ufä und dur döfrli wo eswenn i de römer ziit stahblibe sind.

nach austrianos wirds eher wiider e chalti gägent wot s gfühl häsch de graf dracula stiigt jez den zu de chalte muurwerk us und au d`natur gseht na me nach herbst als früählig us.

s`hät so richtig zum sträzzende rägewätter und em näbel passt.

in a rua a cho hämer en bäre hunger gah, doch gah mal in spanie am 18:00 öpis go ässe, läuft nicht.... ganz e hübschi und uf gstellti barfrau hät ois beleitibrötli mit schinke und zwei bier anegstellt und ois verrate das mer am rio sil tiptop cha schlafe.

dä admiral det abgstellt simmer am halbi nüni zrugg is dörfli ( a rua) ufe gloffä und hend en feine z`acht imne resti gnossä. zum abschluss en kamillä grappä und mer sind wiider gsund.... nei scherz mer sind vollg`frässe zrugg in admiral, händ na tagebuäch g`schribe und den ab is neschtlä. (: