Tag 20 + 21 (17.4-18.4.21 Almayate Bajo / Rond / Manzanilla)

da ois die täg i de sierra nevada so guät gfalle händ und mer sehr beiidruckt sind vo dene höheunderschiid hämer de wiiterii wäg nach ronda i gschlage.

wiider isches ganz e schöni passstrass wo sich vo de küste ufe is hochland schlänglet. felsigi schluchte und häng mit wilde rosebüsch, es klima wie am atlantik und de himmel voll mit unmänge a griefvögel wo termik gnuzt händ zum ihri rundene dreihä simmer uf guät 1000m.ü.M. imene resti i kehrt, händ feini tapas vertruckt und es chüähls blonds gnossä. wiiter dur weideland mit geisä, chüäh und säuli simer uf ronda ie cho.

ufeme parkplatz im hinderhof hämer de admiral chöne stah la und händ ois zfuäss uf de wäg dur schöni gässli gmacht. d hüser im alt spanische styl sind wiider traumhaft gsi, uf de plätz händ sich lüüt i kaffis und resterant troffe, sind dur gasse gschlenderet und mär hät äntlich mal chli s gfühl gha das spanie läbt.

inere bar händ au mir na es plätzli verussä gfundä und händ ois mitere feine fleisch/chäsplatte verwöhne la.

vo ronda simer uf landstrasse und teils autobahn richtig jerez gfahre, det hämer aber gmerkt das mer nöd wücki de küste na chömed und sind uf de autobahn wiider richtig sevilla düsed. schön um sevilla ume über e riese brugg mit blick ufs fuässbalstadion isches den scharf links und jez simmer da in Manzanilla imene "wald" stuck und lüftet oise admiral nochli us. sisch härrlichs wätter, sgaht en liächtä wind spinne, chäfer ameise i jedere grössi und schmetterling sind fliisig am duä. werend dem ich da sitz und bletter ghör ruuschä rüäft de gugu ununterbroche. sisch eifach soooOooo schön.