Tag 18 + 19 (15.4-16.4.21 Pradollano S.N. bis Almayate Bajo Velez-Malaga)

mit viil vorfroid simmer a dem verrägnete morge ufgstande, händ ois i d snowboard chleider gschmisse und händ ois uf de wäg gmacht uf s`gondelli. det a cho simmer scho zimli pitsch nass gsi... ufem halbe wäg ufwerts het sich de räge i nassi schneeflöckli verwandlet und soo hät s`feeling vom früähligs-boarde chönä a fangä. (:

gseh hämmer nöd wücki viil will de näbel immer dichter und dicher worde isch, aber nacheme starche, warme kaffi hämer ois nomal zämme graft und sind wiider uf 3000 meter ufe go fätze. am namittag hämer den d schnauze doch chli voll gha wills kein cm2 me gha het am körper wo nöd durnässt gsi isch und bei sind au rächt i de möst gsi, wer waschindli mit em surfbrätt besser gangä bi dene bedingigä. (:

total gnüdelet aber mega z`fridä hämer ois im auto chli ufgheizt und sind die mega schön passstrass wiider abe grollt. in granada unä simmer den beid au wiider uftaut und halbwägs troche gsi. nur kleider händ na vorsich hii tropft.

oisä wäg isch richtig velez-malaga gangä, det hämer uf en zältplatz zuä gstüret. womer a cho sind hämer gmerkt das es en nudistä camping isch. nöd wiiter schlimm nur hämer ois zersch ma müsse informierä was den das überhaupt gnau sind nudistä. (:

bi 14C und räge häts ärnschthaft paar hartgsottni schrumpel füdli gha wo füdliblut ume gwatschlet sind. da hämer nöd ganz chöne mit hebä, aber doch münd mer säge sisch eich na geil wänd eifach immer chasch nackig umespazierä und zum duschä nur grad s`tüächli über d schultere mitnimsch. (:

leider hät de räge eifach nöd welle ufhöre und shät dii ganz nacht abela was gange isch. de hund vo dene näbetra hät öpe glich wenig froid am gwitter gha wie ich, hami aber zämä gnah dasi nöd mit hüülä. (:

wo de zmorge parat gsii isch hami au mal zu de bettwärmi us traut und vor de heizig im admiral häts viil feini drüü minute eili gä.

äntlich hät den au de räge na glah und mer händ ois chöne uf de wäg mache am schwarze sandstrand na is nögste käffli (torre de mar) go oise iichauf tätigä.

en guätä zmittag am strand simer gstärkt wiider zrugg marschiert und händ ois nachli ufem camping verwiilet. leider häts nüt znacht ghä will oisi büüch na soo überfüllt gsi sind vom spahte zmittag. d`schoggiwaffle brösmeli im bett züged aber doch vomene mitternachtsnack. (: