Tag 17 (14.4.21 / Granada bis Sierra Nevada Pradollano)

nach em stränge abig hämmer tiptop gschlafä au wenn d strasselaternä dii ganz nacht glüüchtet hät. miteme riese stei im chopf häts aber mal wiider rösti mit spiegelei undeme guätä henauer kaffi gäh. so simmer einigermasse uf de höchi und 31 euro weniger (parkchostä) wiiter i d sierra nevada pradollano ufe. mit 40h/km hät de admiral de ufstiig ohni wiiters gmeisteret. sisch en verrägnete graue tag hüt und das dorf isch au rächt usgstorbe ussert na paar vereinzelti skifahrer und snöber häts.

da mer aber hüt liäber chli usgruäbet händ häts näbst em spaziergang is dorf nöd viil me aktivitäte gä. naja so hämer mal wiider ziit gha oises tagebuäch na zfüährä, föteli ufe lade, dheizig z laufe bringe und chli usnüächterä damits morn voll gstärkt cha ufs brett gah.

schnee häts nüm de huufä aber paar wiisi striemä schlänglet sich na als pistene de berg ab. mer sind gspannt und froiied ois uf jede fall uf de morgig tag.