Tag 15 (12.4.21 / Cuatro Calas bis Sorbas)

nach em morgesport vom marco und ere feine tasse henauer kaffi simer den nachli über dfelse kräsmet zunerä sandsteihöhli. leider isch e grossi grillä, 2 schlange und drü muschle alles gsi wo mer a läbige tier gseh händ in cuatro calas.

wiiter gahts wiider ma chli me landiiwerts. in san juan häts nomal en kaffi mit eme feine pan con tomate y jamon gä. (mhh namiiii, fascht s besti wos je häts gits)

hüt wämers ois ja guät gah la und so simmer in garrucha in es resti en guätä zmittag go nä. en grosse salat, chnoblibrot, calamari, härdöpfeli und schwertfisch hämer verspisä und sind mit volle büch högerli uf und högerli ab ghötterlät bis mer in majacar a cho sind und anere tankstell mal äntli e spanie/portugal chartä gfundä händ. ständig mit navi fahre und den alles uf somene chline unübersichtliche grät wie em handy isch eswie chli kacke... z fridä hämer ois es örtli usgsuächt und sind det hii gstüüret.

nöchi sorbas isch das gsi, näbeteme gigantische steibruch wos quarz abbaued.

natürli hämer au det chli müse go umestiifflä und sisch wunderbar gsi will alles hät glitzerät und glänzt. ha gmeit jez hämer kristall gfunde doch bim druff biissä hämer festgstellt das dem nöd so isch. neinei sisch kei entüschig gsi so reine quarz werdet mer sicher nüm so schnell wiider gseh. sisch en schöne ort gsi, mit wildä häsli, eme steiadler wo sini rundene dret hät und em gschmack vo majoran blibt ois au das sicher na lang i erinnerig.