Tag 130 bis 135 (5.8-10.8.21 Picquigny / Guisy / Troisvaux /Bouvines)

vom cider hof häts ois wiiter dur`s land zogä, verbii a chline käffli wo fascht usgstorbe würcket abgseh vo de landwirdschaft, a getreidefälder und chline waldabschnitt bis mer in picquigny (nöchi amiens) ufeme wiisli näbeteme buurehof, chorn- und maisfeld a cho sind. de buur hät imene baraggewage duschene und wc`s, strom und wasser für wenig geld zu verfüägig gstellt. da dä wätterbricht für die nägste paartäg viil wind und chli räge vorusgseit hät simmer grad drü täg det blibe.

mer hend e super schöni wanderig de somme (fluss) entlagn gamcht und sind echli dur`s züg dur gschtiflet und händ ganz viil, frösch, schwän und sogar na paar ratte gseh dur de fluss schwümmä.

als negst hetet mer gern mal wiider e duschi gha, so händ mer ois es campingplätzli use gsuächt. da mer aber nöd gimpft sind händs ois den wiider weg gschickt. paar kilometer wiiter sind mer denn am waldrand (guisy) uf es parkplätzli gfahre und händ ois hald nomal mit chli chatzewösch zfriidä gäh. (: schluss äntli isches sicher schöner gsi wie ufem camping, denn mer hend chöne dur de wald dur schlendere, händ mächtigi bäum gseh wo sicher scho uhrlang dete stönd und sogar e grossi familie fasahn hämer chöne beobachte, wies dur`s dickicht dur gschliche sind.

das a de küste immerna vo sturmböhe verzellt händ sind mer wiiter me land iiwerts blibe. sind chli überland tuckerlet und das soo fest grägnet hät und`s nöd grad het selle besserä sind mir chli näbeduss vomene chline dörfli (troisvaux) zwüsched chiisgruäb und chornfeld gstande und händ chli en ruhige namittag verbracht im admiral. geg de abig isch en grosse feldhas go luäge was mer det so triibed und süst hämer eich oisi ruäh gha.

da mer s`mail becho händ das mir am mittwuch chönd in belgie zumene automech mit em admiral sind mir am negste tag bis nach bouvines gfahre. das dorf liit grad a de belgische gränze und so händ mir det ufeme parkplätzli im grüänä de admiral parkiert und sind na i de landschaft go umeschuähnä. s`wetter isch na immer rächt dur zoggä und s güsst zwüsched durrä immer wiider rächt fest. bi oisem spazottel händ mer aber glück gha, will chum simmer zrug im auto gsi hets wiider möge abelääre. isch ebä scho schön im auto, am schermä chöne höcklä und de rägetropfe zuä losä. (:

mer froiied ois aber jez beid mega nach belgie z`gah. mer händ beid höchi erwartige vo de natur, de gigantische wälder und natürli vom bier. (: