Tag 124 bis 129 (30.7-4.8.21 S.Martin/Dragey-Ronthon/Crasville/Formigny/Reviers/S. Aubin de Scellon)

nacherä chüähle nacht sind mer vom saint martin wiiter dur dörfli mit schöne stei hüüsli, überlandstrasse verbii a unzählige sunnebluämä felder bis mer im undere zipfel vo de normandii a cho sind. in dragey-ronthon ämne munzigä käffli, chli oberhalb vo de insle le mont saint michel sind mer uf e grossi wiissä hindere grosse dünne gfahrä. es paar wenigi anderi camper hets gha und sisch sehr gmüätlich aber uuh windig gsi. nachere mega verrägnete nacht het de himmel wiider möge ufrissä und so händ mir nach em z`mörgelä oisi ruckseckli packt und sind los marschiert. oise wäg isch über sanddüne, höchi wiisä mit viil summervögel und biindli, verbii a ross weidä, bis mer den imene dörfli a cho sind. det hets ois chli dur die alte hüüser und strössli dur zoge bis mer ufem rückwäg a de beckerei und eme miniminimini läbesmittellädeli verbi cho sind. nach dem oisi ruckseck gfüllt gsi sind und mer ois wiider uf de rückwäg gmacht händ häts under ere riese grosse eiche näbed paar geisböck en halt gä. wo mer oisi quiche lorrain mit viil gnuss verspisä händ. (: wiider zrugg bim auto hämer den zersch es poiseli brucht und scho bald hets feini franzose bratwürstli mit riis und böllesossä gäh.

am tag druff hät äntlich oise langersehnti ww2-tripp a gfange. gstartet simmer uf em weg nach saint mère eglise, e grossi chille wo bekannt worde isch dur de johne steele, en fallschirmjäger vo de usa wo leider bi de landig am chillegmühr hange blibe isch....

(na hüt bambelet det als gedänkä e pupe am fallschirmm.) näbscht de chille sind au all die iischusslöcher a de gartämuurä und huswänd iidrücklich wo mer na bis hüt cha gseh. leider chönd mir (als nöd gimpfti und ohni covid test) nöd i museum inne und so simmer wiiter zogä. in saint marcouf sind mer go battery crisbecqu a luägä. sisch eini vo de unäzählige bunker und abwehrstellige gsi vo de dütschä. da sii na sehr guät im stand isch und mer echt chli öpis gseh het, uf und i de bunker sind so sache echt zimli ii drücklich. au zum stuhne hets eim bracht wenn mer mal die bauwerk so in ächt cha gseh, die bauwiis und wie sehr überleit das ganze gsi isch dur und dur bestunenswert.

da ja hüt de erst august isch händ mer ois na e fläsche chlöpfmost kauft und sind richtig crasville gfahre. wo mer es super schöns ego plätzli am wattmeer gfunde händ. da grad eppä gsi isch händ mer na en spatzottel durs watt gamcht und hend den korke knalle la.

am tag druff isches wiiter richtig utha beach wo mer au viil dänkmäler und teil vo bombardierte batterie gseh händ, in la combe händ mir am dütsche soldate friidhof ghalte und sind dur de park gloffe mit dene unzählige vo greber. das tschuderet eim den scho es bitz. wiiter ischs an bekannte point de hoc wo am 6.6.1944 d`amis glandet sind und mit strickleiterli die steile felswänd uf kräsmet sind. leider ischer zimmli überloffe gsi vo mänsche und dnatur hollt sich langsam aber sicher wiider alles chli zrugg. nüt desto trotz sind die riesse grosse krater na immer sichtbar und echt krass.

ufem wäg nach formigny (oise nächst schlafplatz ufeme buurehof) simer den aber perzuäfall a es chlises museum gfahre wo mer au händ chöne inne und was mer det denn alles gseh händ het ois riisig gfroit. sisch en sammler ufs grösste wo unzähligi chriegs sache vo a-z gha het. nach fascht übere stund sind mer den zum stuhne us cho und richtig de hof zoge wo mer de admiral unter öpfelbäum parkt händ und sogar strom und wiider ma e duschi hend chönä ne. :)

usgschlafe isches den wiiter nach arromanches les bains. es hafestedtli näbed em gold beach (landigsstrand vo de britä), det simmer d`überblisel vom künschtlich errichtete hafe go a luägä. ich ha mer das nie chöne vorstelle was demit gmeint gsi isch wenn eine seit sii bringet de hafe vo dihei mit, aber was am churchill und au rooseveld sindi lüüt da erfunde händ mit dem mulberry-hafe isch absolut gigantisch. riise chlötz (hohl und usgfüllt) us stahl und stahlbeton sind na hüt im meer usse z`gseh, sogar na en teil am strand so das mer sich richtig cha vorstelle wie lastwäge und so vom meer us det drüber händ chöne a land cho.

chrieg isch öpis furchtbars aber das es soo iidrücklichi sache mit sich bringt macht`s doch zumene teil sehr spannend. nach dem mer gnuäg glüäget händ simmer im stedtli obe na ine chlini kneippe ghockt und hend ois na paar belgischi bier schmöcke la.

nöd wiit entfährt liit reviers, näbedeme ruhige bächli, chuäweid und eme chline wäldli händ mer parkiert oises riesse cottlet grilliert und händ en passende film über d landig (d-day) vo de canadier gluäget. das het die fälder wo vo der nacht umhüllt gsi sind na viil gspängstiger gmacht will mer sich grad het chöne vorstelle wie d fallschirmjäger da glandet sind. (:

gschlafe hend mer denn aber doch guät und am negste tag isch es wiiter es bitz is land inne. dörfli sind vo de steihüsli me riggelhüüsli worde und dänkmäler nämed au langsam ab im gägesatz zum küste gebiet. defür isch alles nomal andersch grüän und die viile öpfelbäuli mit de unmänge vo frücht stönd i reih und gliid. (:

mer hend en cider-hof in saint aubin de scellon a gstüret. das isch eich wie es wii-guät nur alles us öpfel. de winzer sälber isch hüt nöd umä, defür sini schwöster und dii alt müätter wo scho paar glesli cidre drunkä hät.. (: ganz flotti lüüt und bii dene derfed mer jez für e nacht uf em grundstück stah umgäh vo uhrviil öpfelbäumli. natürli händ mer au scho chöne verschidne cidre probiere und vom sälber gmachte calvados natürli au. aso de calvados isch iigfahre und de cider brummt im buuch das er sicher glii usfahrt..... (;