Tag 115 bis 123 (21.7.-29.7.21 Mimizan du Lac)

am mittwuch isch mal wiider en wösch tag a gseit gsi. das aber nur ei wäschmaschine gha het isch das chli längergange als dänkt und so simmer de tag chli ufem camping am gnüsse gsi mit läse, adrmiral ufruumä und zält uftelle für d`nina. geg de abig isch sii den mit ihrer kutsche bi ois ii troffe. nach de begrüässig, hets paar chüäli bierli gäh und es verzelle vo beide siite über dii letschte paar mönet. mit de ziit häts den hunger gäh und so sind mer is resti vom campingplatz fürä wos en guätä z`nacht mit viil sangria, bier, armagnac und live musik gäh het....

dii nägste paar täg händ mir dänn eich mit strand-feriä verbracht. sind a verschidene strandabschnitt gsi und hend s`läbe chli gnossä mit nüt mache ussert chli am strand liggä und badä. da mer ois so richtig händ chöne iirichte uf dem camping hets den defür immer en mega feine z`nacht gäh wo mer ois brutzlet oder grillt händ, i oisere outdoor chuchii. in mimizan plage isch rächt halligalli gsi und so sind mer dur d`strössli gschlenderät und sind chli go d`lädeli abklapperä. krömlet isch eich nöd soo viil worde ussert das sich de marco es skimboard pöstelet hät wonner den au fliissig güäbt hät de mit und scho rächt e guäti gattig macht. (:

am letschte abig bevor`s für ois wiider wiiter richtig normandii gange isch und für d`nina wiider heizuä sind mer na usswerts go ässe. das in mimizan eswie kei taxi git, hät ois de chef vom camping is stedtli gfahre. uf de fahrt hät er ois mitteilt das frankrich leider wiider noii, verschärfti covid-massnahme troffe het. das isch chli endüschend gsi, doch wo mer denn es resti gfunde händ und es mega feins ässe becho händ, isch de ersti frust wiider chli verflogä. am dunnstig hets den gheisse alli siibesache zämäpackä. nach de verabschiidig vo de nina händ mer den na de rest verruhmt und ois uf d`socke gmacht. sisch wunderschön gsie wieder mal es bekannts gsicht gseh und mer händs richtig gnossä z drittä feriä vo de feriä znäh.

nach guät 4 stund fahrt sind mir saint martin (mirebeau) a cho. usserhalb vo dem chline dörfli hets es fischerseeli gha wo mer parkiert händ. nachere rundii ume de see und nachli ruäh und sunne gnüsse händ mer oise noi gas- chocher fürä ghollt, händ pasta ufgsezt und uf de charte de negsti ort use gsuächt wo mer am negste tag wend a stürä.