Tag 106 bis 115 (12.7.-21.7.21 Basoan / Soustons / Mimizan)

i aller hergottsfrüähii hät de wecker gschället und mer hend ois zum bett us grafft. sisch en verrägnete morge gsi und so simmer am halbi 6i scho underwägs gsi nach san sebastian i die klinik de test go mache. es grauehafts unfründlichs, dumms huähn hät ois denn d`formular gäh und ois in spital übere verwiese. det simmer i es rümli cho wo glaub "d`frau mengele" als ärztin gsi isch die hät eim das stäbli mit vill hass i beid naselöcher uä grammt und eim den wiider furt gschücht. naja mer händs überläbt und sind den zu de stadt us uf e raststett go z`morgäässe und chli schlaf nah holle. doch nach guät 2 stund hämmer d`resultat scho gha und mer sind ab nach frankrich. a de gränze häts natürli niemert intressiert wer da de zoll überquärt und ob de en test hät.... (ich mein ja nur, mit 90euro hets en volle tank gäh in spanie) (:

in frankrich simmer nach soustons gfahre uf en stellplatz. mit oisem schwein hämer det sogar chöne dii erste 5nächt gratis schlafe da d`schranke kaputt gsi isch.

sisch en parkplatz gsi wo genau zwüschedeme salzsee und em meer gläge hät. paar piinie und eichä händ sogar na schatte gworffe. aber au de platz isch mega überfüllt gsi und shät unzähligi camper det gha. mir händ ois zwei velos gmietet und sin chli dur d`landschaft dur düüset. de marco isch sogar na go fische miteme junge typ wo mit de frau und kidis näbed ois parkt hät. isch schön gsi eswie mal wiider so e bekanntschaft mache und am abig nachli zäme sitze und schwätzlä.

äntlich hämer au wiider mal chli chöne is meer oisi surfkünst go verbesserä und so hämer die täg det au gnosse. da ois d`nina chunt go bsuächä hämer mal müsse weg eme campingplatz ume luägä. sisch garnöd so eifach will zimli alles usbuächet isch und de wo mer jez gfunde händ in mimizan, eifach nöd so schön isch. naja jez simmer da und ich dänk mer werdets au da schön ha die ziit wo mer da verbringed gnüssä. händ ois scho wiider velo gmietet und sind dur wälder und hollperströssli düsed bis mer an see cho sind wo mer sogar paar junge fraue hend chöne zuä luögö wies mit ihrne ross sind go schwümmä. jaa und jez luäged mer mal was die negste täg da na so alles z`erläbe gänd.