Tag 102 bis 105 (8.7.-11.7.21 Castrillon / San Roman Santander / Basoan)

da mer drü täg ufem caping bahinas gsi sind und s`wetter eher chli durch zoge gsi isch hämer ois mit em bus uf de wäg nach aviles gmacht. isch en echt schöne stadtbummel gsi und mer hend chöne dur alti gasse dur schlenderä und paar feini beligischi bier und chli wiise vo de region brobierä. zum z`mittag hets en täller schweinsrippli und es guäts stuck rindfleisch gä. nach dem mer`s ois guät gah lah händ simmer den z`fridä mit em taxi wiider zrugg düsed.

vom camping bahinas (castrillon) simer wiiter de küste na gfahrä bis uf comillas. det häts en z`mittag halt i de la perla negro gäh. det hämer nämli schomal dii beste bocadillos gässe wos überhaupt git. wiiter isches den na bis san roman santander. det simmer für ei nacht uf en campingplatz gfahre. sisch mega krass wieviil mänsche sich überall tümmlet und da die parzälle für campers so minzig gsi isch das bim usstige eich am nachber is autoie gloffe bisch, händ mir den oise grill packt und en feine znacht uf de warme stei am strand gässä miteme echt schöne sunneuntergang.

nach em z`morge isches den nach basoan wiiter gange. das isch nach bilbao i de nöchi vomene naturreservat (urdaibai). doch au da isch alles rächt überloffe gsi und parkplätz me als überfüllt. so händ mer ufeme eifache parkplatz es rächts stückli vom meer entfährtn parkiert und hend oisem admiral chli schnuff gönnt. er hät momentan chli altersschwächi woner zeigt und soo hät er nüm wücki froid a hoger uf fahre und mag nüm sini voll leistig zeigä. nach dem er chli abküählt het hemer de uspuff nomal zäme gmacht und ois entschide das mer die nacht hald da in basoan uf em chline parkplätzli näbed müllkontener verbringed. (: mer hend ois den spontan für am negste tag chöne anen antigentest in san sebastian ameldä.