Tag 1 (30.3.21/Güetighausen)

so am tag nach der chliinä verabschiidig vo de familliä und es paar kollegä, ischs doch na as packä gangä

ja en chliinä kater isch am start gsie

und well "mer" das so genau und überhaubt nid uf die letst minutä planet gha händ, sind mir natürlich au nid is züüg cho vorem abfahre

nei seich, da gönd hald dmeinigä usänand, ich finds top sind mer 13:55 fertig gsie mit allem fix zum startä und händ 14:00 dwohnigs abgab gha und öpert wer halt gern scho am 10ni fertig gsie und het gwartet uf die unwüssend frau ohni ahnig was mir alles kaputt gmacht hend i dennä knapp vier jahr i de whg.

egal sie isch abgäh ohni mängel.

villicht händ nu mini ohrä es bitz glittä, wells halt gliich ufgangä isch mit de ziit.

nach dem mir namal zu eusnä eltärä sind zum go tschau sägä, hand mer in hettlingä na de wassertank gfüllt ca am 2100 natürli untestät und nid dicht!

zum glück hand mer mit em paul und de vreni na chöne e rettigs aktion startä und das ganze korrigiärä und sogar verbessärä

und ja ich gibs zuä, testät han en nid us fuulheit weg em süübere bis mer en würklich bruuched

uf jedäfall hand mir die erst nacht szweitä ohni schuschu (diä hat es etzt es herrlichs plätzli in wetzikä, bi de kathllen & em Jens) wundervoll chöne in güätighusä verbringä underem fast vollmond.

ghofft händ mer nur das sergebniss vom pcr test na im verlauf vom nächstä morgä chunt...

master of desaster vogeli takes the puck