Tag 59 bis 63 (26.5.-30.5.21 Ericeira/Sao Pedro de Moel/Celavisa/Merug)

vo ericeira häts ois nach nazare zoge. det hämmer au mal welle die berühämt berüchtigtä riese welle go bestune. die krasse monsterwälle wo über 20meter erreiched hämer natürli nöd gseh für das isches die falsch jahres ziit. aber scho die 3-4meter höche wälle wo mitere riissse chraft im sekunde takt an strand uf pralled sind sehr iidrücklich gsi. nach em bsüäch am strand hämmer na es ziiti spöter s`getöse im buch gspührt. eifach krass...

paar kilometer wiiter simer in sao pedro de moel uf en campingplatz gsühret wo mer ois den für es z`nachtässe i dem wücki sehr schöne dörfli entschiidä händ. en riese fäschtschmaus hämmer ois gönnt und so viil fleisch und camarao verspiisä das mer pumpevolle gsi sind. wo mer den um mitternacht zrugg ufem camping gsi sind isch alles verriglet gsi und so händ mer hald müsse übers tor je chlätterä, dass hät natürli de platzwart gweckt wo ois nur uuhr komisch und schlafgetrunke a gügslet hät. (:

am tag druff hets ois denn au scho wiiter zoge. über wunderschöni serpetineströssli isches wiider bis uf 1200m.ü.m gange, dur wälder und verbi a winzig chlie dörfli wo all hüüsli us stei baue gsi sind. i de wälder sinds fescht am holze und so häts au viil waldwäg wo zur ziit guät befahr baar gsi sind. jrgend wo zwüsched celavisa und arganil hämer den so en abzwiiger gna und hend es plätzli im eukolyptus wald gfunde.

det simmer den na bitz dur d`wälder gstreift und nacher häts en guät kochte z`nacht gäh.

mer händs richtig gnosse wiider mal freistah für e nacht und nöd jrgend en camping uf suächä.

am negste tag simmer den nach ca. 40 min scho a oisere negste station a glangt.

sisch en mega härzig chline und sehr gmütliche campingplatz in meruge (nöchi oliveira do hospital) chli abgläge im grüäne (serra torre / serra da estrela). wo mer eus mit belgischem bier händ chöne verköstigä, en pool fascht für ois gnüsse und e wanderig wo halbe dur de dschungel und de rest dur di grüän natur gange isch. sisch traumhaft gsi und au die täg hämer s so richtig schön und gmüätlich gha. doch nach drüü nächt isches au vo da wiider mal wiiter gangä....